StudioalSud

ASSOCIAZIONE CULTURALE TRAPANESE 

"Unni mi votu votu viu mari, di ca stu latu, pi dilla tra nuatri a mezzuiornu, viu u portu, cu li varchi, li navi e li lampari; di ca sta banna, unni cala u suli, viu rina, tanta rina ... Sì, picchì Trapani si stinnigghia 'mezzu u mari. E' ricca di ventu e di suli. Ciuscia u sciroccu, a tramuntana, u maistrali. ' Na staciuni u sciruccu ti pigghia 'testa e t'ammucciari rintra; 'na l'invernu, ca' tramuntana pi lu friddu, ti veni u piddizzuni; l'autru, u maistrali , n'accunpagna tutto l'annu e 'na staciuni ni piaci. Si taliu unni nasci u suli, na muntagna viu, scuzzulata: è Erici. E' bedda, comu na fimmina cuntenta, ma è chiù bedda assai quannu si metti lu cappeddu 'ntesta. Quannnu codda u suli è 'nu spittaculu; autru chi quadru di pitturi! Arresti alluccutu pi tutti li culura chi si virinu 'ncelu e 'na l'acqua di lu mari. E' Trapani mia, terra di suli, di ventu, di mari."